Karz:

Arz Kiya hai ke…

Apni hi garaz ke saaye me haath phaila jaate hai,
Phir apne hi nigaahon me roz hum gir jaate hai.

Na arzū kisi darwaze ki, na kisi se iltijā,
Magar pareshāniyon ke aage hum thak kar bikhar jaate hai.

Roz qasam lete hai na maangenge kisi se,
Phir wohi garaz ke raaste me naseeb ko rondhte jaate hai.

Karz ki raat kab dhalegi, yeh rab hi behtar jaanta,
Hum to sirf sawaarne chale, aur gahrā daldal me utarte jaate hai.

Rab se ruti hui dua, logon ke aage khul gaya haath,
Isi wajah se khauf aur tangdasti ka zanjeer sa jud jaata hai.

Rab pukarta hai—“Maango mujhse, mere siwa na jhukna,”
Hum be-sabri me khud ko karzon ki aag me phenkte jaate hai.

Jis ne ek ansu pe rehmat barsani thi, hum usi se mooh modh aaye,
Aur duniya ke sakht darwazon pe dastak dete jaate hai.

Dil-e-nadaan ko samjhaaya bahut, magar woh baat kaha sunta,
Jo zameen walon se umeed baandhe, woh aasmano se jud nahi paata.

Woh sajda hi kaafi tha jisme saari mushkil pighal sakti thi,
Par humne logon ki taraf dekha aur barkat se door chal jaate hai.

Rab ki rehmat ki roshni karib hi thi, bas ek dua ki doori par,
Hum uljhe rahe hisaabon me aur andheron me doobte jaate hai.

Imaan ka sahara hota to bojh halka pad jaata,
Magar humne khud hi apne kandhon par zindagi rakh li bhaari.

Jo Rab ko pukarta hai, woh kabhi tanha nahi rehta,
Aur hum—duniya ke dar pe gaye to andar se aur toot jaate hai.