Arz kiya hai… ke…
Raahen mushkil, dil mein sukoon,
Aur Allah ki rehmato ka nuzool…
Jab bhi tootne lagta hoon,
Zindagi ke bojh tale,
Ek narm si roshni
Mere saath guzarti hai khamoshi se…
Jab haath uthata hoon Allah ke saamne,
Dua ke liye,
Haath girne se pehle hi
Dua qubool ho jaati hai…
Aur Allah ki madad mere saath aa jaati hai…
Har girte qadam ko
Uska sahara utha leta hai,
Jaise meri har saans
Uski hidayat aur inayat ke sahare chal rahi ho…
Na gila rehata hai,
Na shikayat ka shor,
Jo kuch hai, woh sab
Allah ke karam aur rehmat ki parchhaai mein beh raha hai…
Dil ke andheron mein bhi
Uski roshni ka noor hai,
Aur har dard ke baad
Uski rehmat ka safar zarur hai…
Allah ki panaah mein sukoon milta hai,
Dua ki taqat se rehnumai milti hai,
Har lamha uske zikr ki khushboo
Mere dil ki tanhaai mein basi rehti hai…
Zulfikar ke lafz yeh kehte hain,
Har mushkil Allah ki rehmat se aasan ho jaati hai,
Aur har dua qubool hoti hai
Sirf usi ke saath…
Sher O Shayeri 