Mulaqaat e Roohani:

Arz kiya hai…

Aap bheed me mile Rab se to kya mile,
Tanhayi me milkar dekhna apne Rab-e-Zuljalal se…

Bheed ke shor me dua bhi adhoori si lagti hai,
Tanhayi me faryaad poori rooh tak utarti hai.

Jahan logon ki nazrein sirf aap par taharti hai,
Wahin tanhai me rehmat ka saaya uske aagosh me leti hai.

Bheed me milna sirf ek Farz adaa karna hua,
Tanhayi me milna mukammal ibadat ban jaati hai.

Dil ke har sawal ka jawab wahi nikal aata hai,
Jab Rab e Zuljalal ka noor andar tak utar jaata hai.

Raat ki khamoshi bhi shamil ho jaati is mulaqat me,
Har aansu aur muskaan ek nayi roshni laati hai.

Jis dil me gham ka bojh hai, woh halka sa ho jaata hai
Jab tanhai me uski rehmat ka saaya saath ho jaata hai.

Na koi shor, na koi rukawat, sirf sukoon ka safar,
Har saans me mehsoos hota hai uska asar.

Bheed me shamil hone se insan akela sa lagta hai,
Par tanhai me tadap kar hi insaan apna asal mukaam paata hai.

Jo ek lamha uske huzoor, guzarta hai,
Woh saari zindagi ka sukoon ban jaata hai.

Aur jab faryaad ke baad sirf shukr bacha rehta hai,
Tab insaan ko apni rooh ka asal rang nazar aata hai.

Aap bheed me mile Rab se to kya mile,
Tanhayi me milo apne Rabb – e -Zuljalal se…
Wahi asli mulaqat hai, wahi asli sukoon ka raaz hai.